Qazaqstan Respýblıkasy Ádilet mınıstrliginiń buıryǵy  №103

  2016 jylǵy 29 aqpan, Astana qalasy «Notarıýstardyń notarıattyq is-áreketter jasaý qaǵıdalaryn bekitý týraly» Qazaqstan Respýblıkasy Ádilet mınıstriniń 2012 jylǵy 31 qańtardaǵy № 31 buıryǵyna ózgerister men tolyqtyrýlar engizý týraly Qazaqstan Respýblıkasynyń «Notarıat týraly» Zańynyń 32-babynyń 2) tarmaqshasyna sáıkes buıyramyn: 1. «Notarıýstardyń notarıattyq is-áreketter jasaý qaǵıdalaryn bekitý týraly» Qazaqstan Respýblıkasy Ádilet mınıstriniń 2012 jylǵy 31 qańtardaǵy № 31 buıryǵyna (Normatıvtik quqyqtyq aktilerdi memlekettik tirkeý tiziliminde № 7447 bolyp tirkelgen, 2012 jylǵy 26 mamyrdaǵy «Egemen Qazaqstan» gazetinde jarııalanǵan, № 154-156 (26973-26975)) mynadaı ózgerister men tolyqtyrýlar engizilsin: osy buıryqpen bekitilgen Notarıýstardyń notarıat­tyq is-áreket jasaý qaǵıdalarynda: 1-tarmaq mynadaı redaksııada jazylsyn: «1. Osy Qaǵıdalar: 1) mámilelerdi kýálandyrý; 2) múlikti ıelikten shyǵarý týraly sharttardy kýálandyrý; 3) múlikti paıdalaný tártibi týraly sharttardy kýálandyrý; 4) neke sharttaryn kýálandyrý; 5) ósıetterdi kýálandyrý; 6) senimhattardy kýálandyrý; 7) sharýashylyq seriktestikteriniń quryltaı qujattaryn kýálandyrý; 8) murany senimgerlik basqarýshyny taǵaıyndaý; 9) muragerlikke quqyq týraly kýálik berý; 10) jubaılardyń jáne ortaq birlesken menshik quqyǵy negizinde múlki bar ózge adamdardyń ortaq múliktegi úlesine menshik quqyǵy týraly kýálik berý; 11) múlikti ıelikten shyǵarýǵa tyıym salý jáne ony sheshý; 12) qujattardyń kóshirmeleri men olardyń úzindi kóshirmeleriniń durystyǵyn kýálandyrý; 13) qujattardaǵy qoıylǵan qoldardyń tólnusqa­lyǵyn kýálandyrý; 14) qujattardyń bir tilden ekinshi tilge aýdarmasy­nyń durystyǵyn kýálandyrý; 15) faktilerdi kýálandyrý; 16) jeke jáne zańdy tulǵalardyń ótinishterin basqa jeke jáne zańdy tulǵalarǵa berý; 17) aqshalardy depozıtke qabyldaý; 18) vekselder narazylyqtaryn jasaý; 19) qujattardy jáne baǵaly qaǵazdardy saqtaýǵa qabyldaý; 20) teńiz narazylyqtaryn jasaý; 21) dáleldemelerdi qamtamasyz etý; 22) atqarýshylyq jazbalardy jasaý kezinde mem­le­kettik notarıýstardyń jáne jeke praktıkamen aınalysatyn notarıýstardyń (budan ári - notarıýs) notarıattyq is-áreketter jasaý tártibin belgileıdi. Qazaqstan Respýblıkasynyń zańnamalyq aktile­rinde notarıýstar jasaıtyn ózge de notarıattyq is-áreketter kózdelýi múmkin.»; 34-tarmaq mynadaı redaksııada jazylsyn: «34. Jyljymaıtyn múlikpen mámilelerdi kýálan­dyrǵan kezde jáne memlekettik tirkeýge jatatyn kýálik­terdi bergen kezde notarıýs «Jyljymaıtyn múlik tirkelimi» memlekettik derekqorynan BNAJ arqyly tirkeý organy basshysynyń, ony almastyratyn adamnyń (belgilengen qyzmettik mindetterdi bólýge sáıkes) elektrondyq sıfrlyq qoltańbasymen kýálandyrylǵan jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly málimetter alady. Osy Qaǵıdalardyń 52, 54, 140 jáne 160-tar­maqtarynda belgilengen jaǵdaılardy qospa­ǵanda, jyljymaıtyn múlikpen mámilelerdi kýálan­dyrýǵa jáne memlekettik tirkeýge jatatyn kýálikter berýge aýyrtpalyqtar bolmaǵan kezde ruqsat etiledi. «Jyljymaıtyn múlik tizilimi» memlekettik derek­qorynan BNAJ arqyly jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly málimetter alý múmkindigi bolmaǵan kezde tirkeý organy rastaǵan naqty jyljymaıtyn múlik obektisi jónindegi aqparat jáne jeke nemese zańdy tulǵanyń ózinde bar jyljymaıtyn múlik obektilerine quqyqtary týraly jınaqtalǵan derekter notarıýstyń ýájdi suraý salýy boıynsha tirkeýshi organda beriledi.»; 102-tarmaq mynadaı redaksııada jazylsyn: «102. Senimhat mátininde senim bildirýshiniń jeke kýáliginiń jeri men kúni, tegi, aty jáne ákesiniń aty (ol bolǵan kezde) týǵan jyly men kúni, JSN, turǵylyqty jeri (zańdy tulǵalar úshin – ataýy, BSN jáne zańdy tulǵanyń ornalasqan jeri) jáne senim bildirilgenniń tegi, aty, ákesiniń aty jáne turǵylyqty jeri kórsetiledi. BNAJ elektrondyq tizilimine senim bildirýshiniń JSN jánejeke basyn kýálandyratyn qujattyń derekteri, sondaı-aq zańdy tulǵanyń BSN engiziledi.»; Mynadaı mazmundaǵy 25-taraýmen tolyqtyrylsyn: «25 taraý. Atqarýshylyq jazbalardy jasaý» «217-234-tarmaqtarmen tolyqtyrylsyn: «217. Atqarýshylyq jazba óndirip alýshyǵa tıesili belgili bir aqsha somasyn boryshkerden óndirip alý nemese jyljymaly múlikti talap etý týraly notarıýstyń ókimin bildiredi. 218. Atqarýshylyq jazbalar negizinde bereshekti óndirip alý daýsyz tártippen júrgiziletin talaptar tizbesi Qazaqstan Respýblıkasynyń Azamattyq prosestik kodeksi 135-babynyń 1), 2), 3), 4), 10), 11) jáne 17) tarmaqshalarynda belgilengen. 219. Atqarýshylyq jazbany: eger usynylǵan qujattar bereshektiń daýsyzdyǵyn nemese boryshkerdiń óndirip alýshy aldyndaǵy ózge de jaýapkershiligin rastasa; eger talap qoıýǵa (ótinishke) quqyq týyndaǵan kúnnen bastap úsh jyldan aspasa, notarıýs jasaıdy; Atqarýshylyq jazba beriletin talap úshin Qazaqstan Respýblıkasynyń zańnamasynda ózge eskirý merzimi belgilengen jaǵdaıda, atqarýshylyq jazba osy merzim sheginde beriledi. Atqarýshylyq jazba, eger zańnamada ózge merzimder belgilenbese, ol jasalǵan kúnnen bastap úsh jyl ishinde májbúrlep oryndatýǵa usynylady. Atqarýshylyq jazbany usyný úshin ótkizip alǵan merzimdi qalpyna keltirý Qazaqstan Respýblıkasynyń azamattyq prosestik zańnamasyna sáıkes júrgiziledi. 220. Boryshkerden aqsha somasyn óndirip alý nemese ózge de jyljymaly múlikti talap etý úshin óndirip alýshy notarıýsqa óndirip alýshy men boryshkerdiń tegin, atyn, ákesiniń atyn (ol bolǵan kezde), olardyń JSN men turǵylyqty jerin qamtıtyn atqarýshylyq jazbany jasaý týraly ótinish (budan ári - ótinish) beredi. Eger óndirip alýshy jáne/nemese boryshker zańdy tulǵa bolsa, ótinishte zańdy tulǵanyń tolyq ataýy, onyń BSN, ornalasqan jeriniń mekenjaıy, bank derektemeleri kórsetiledi, sondaı-aq birinshi basshynyń nemese onyń ókiliniń qol qoıýǵa jáne ótinishti berýge ókilettigi rastalady. О́tinishte óndirip alýshy atqarýshylyq jazbany jasaý kezinde boryshkermen mindettemelerdi oryndaý jáne bereshekti ótemeý týraly sot daýynyń bolmaýy týraly málimetterdi de kórsetedi. Jeke tulǵanyń ótinishinde qoıylǵan qoldyń tólnusqalyǵyn notarıat kýálandyrady. Zańdy tulǵa atynan beriletin ótinishke birinshi basshy men bas býhgalter (ol bolǵan kezde) qol qoıady, zańdy tulǵanyń mórimen rastalady. Eger zańdy tulǵa (shaǵyn kásipkerlik sýbektisi) mórsiz jumys istese, ótinish berýshi qoıǵan qoldyń tólnusqalyǵyn notarıat kýálandyrady. Jeke tulǵalar, zańdy tulǵalar jáne olardyń basshylary týraly málimetterdi notarıýs BNAJ arqyly salystyryp tekseredi. О́tinish kiris qujattaryn tirkeý jýrnalynda tirkeledi. 221. О́ndirip alýshy ótinishti óndirip alýshy men boryshkerdiń ornalasqan jerine jáne jazba boıynsha atqarý ornyna qaramastan, kez kelgen notarıýsqa berýge quqyly. 222. О́tinishti bergen kezde óndirip alýshy atqarýshy­lyq jazba jasaý úshin negiz bolǵan qujattardy, sondaı-aq bereshek esebin usynady. Zańdy tulǵa atynan usynylatyn bereshek esebine birinshi basshy men bas býhgalter qol qoıady. Usynylǵan qujattar negizinde notarıýs boryshkerdiń óndirip alýshy aldyndaǵy beresheginiń nemese ózge de jaýapkershiliginiń daýsyzdyǵyn, bereshek mólsherin, málimdelgen talap etý boıynsha merzimniń ótýin tekseredi. 223. Atqarýshylyq jazba mynadaı qujattardy: 1) notarıat kýálandyrǵan mámilege negizdelgen mindetteme boıynsha bereshekti óndirip alýǵa atqarý­shylyq jazbany jasaý úshin: notarıat kýálandyrǵan sharttyń (kelisimniń) tólnusqa danasy ne onyń telnusqasy (aqshany qaryzǵa alý shartyn qospaǵanda); 2) oryndaý merzimi bastalǵan jáne mindettemeni oryndamaý boryshker dep tanylatyn, onyń ishinde daýdy sotqa deıin retteý tártibimen óndirip alýshyǵa jiberilgen narazylyqqa jaýap retinde, jazbasha mámilege negizdelgen mindetteme boıynsha bereshekti óndirip alýǵa atqarýshylyq jazbany jasaý úshin: tólnusqa sharttar (satyp alý-satý, jetkizý, merdigerlik, tasymaldaý, qyzmetterdi óteýli kórsetý, saqtaý jáne t.b.); sharttar boıynsha (taýarǵa ilespe qujattar, taýar-kóliktik júkqujat, taýar júkqujaty, júk júkqujaty, konosament nemese ózge de qujat) bereshekti tóleý jónindegi boryshkerdiń mindeti týyndaǵanyn rastaıtyn qujattar, eki tarap ta qol qoıǵan múlikti (taýardy) berý týraly qujatty (qabyldaý-tapsyrý týraly akt, múlikti (taýardy) berý týraly akt, múlikti (taýardy) sany men sapasy boıynsha qabyldaý týraly akt), eki tarap qol qoıǵan atqarylǵan jumystardy (kórsetilgen qyzmetterdi) qabyldaýdy kýálandyratyn qujat (atqarylǵan jumys­tardy (kórsetilgen qyzmetterdi) qabyldaý jáne basqalar), zakaz-narıad, shot-faktýra jáne t.b.; boryshkerdiń bereshek somasyn jazbasha moıyn­daǵanyn rastaıtyn qujattar, (ósimaqylar) (óndirip alýshy men boryshker qol qoıǵan jáne mórmen (ol bolǵan kezde) rastalǵan esepterdi salystyryp tekserý aktisi), boryshker aqsha qarajatyn tóleý boıynsha mindettemeni moıyndaıtyn narazylyqqa jaýap, akseptelgen tólem talaby nemese zańnamanyń talaptaryna sáıkes resimdelgen jáne ýákiletti adam qol qoıǵan ózge de qujat; 3) notarıýs jasaǵan tólenbegen tólem, akseptelmegen jáne saýalnamaǵa kún qoımaý vekseliniń narazylyǵyna negizdelgen mindetteme boıynsha bereshekti óndirip alýǵa atqarýshylyq jazbany jasaý úshin: tólnusqa veksel jáne notarıýs jasaǵan tólenbegen tólem, akseptelmegen jáne akseptke qol qoıylmaǵan qujattar; 4) áke (ana) bolýdy belgileýge nemese úshinshi tulǵalardy tartý qajettigimen baılanysty emes, káme­letke tolmaǵan balalardy kútip-ustaýǵa alımentterdi óndirip alý týraly mindetteme boıynsha bereshekti óndirip alýǵa atqarýshylyq jazba jasaý úshin alıment­terdi tóleý týraly notarıat kýálandyrǵan kelisim; 5) qosymsha shyǵystardy óndirip alý týraly talaptardy qospaǵanda, «Turǵyn úı qatynastary týraly» Qazaqstan Respýblıkasynyń Zańynda bekitilgen kondomınıým obektileriniń ortaq múlkin kútip-ustaýǵa mindetti shyǵystarǵa qatysýǵa jaltaratyn, úı-jaılar (páterler) menshik ıelerinen bereshekti óndirip alý týraly mindetteme boıynsha bereshekti óndirip alýǵa atqarýshylyq jazba jasaý úshin: qyzmet kórsetýge sharttyń kýálandyrylǵan kóshir­mesi (eger óndirip alýshy basqarýshy kompanııa bolsa); tarıfterdi belgileý, ósimaqy belgileý (hattama, úı-jaılar (páterler) menshik ıeleri kooperatıviniń jalpy jınalysy sheshiminen úzindi kóshirme) týraly qujattardyń kóshirmesi, kórsetiletin qyzmetterge aqy tóleý, osyndaı tólemdi ýaqytynda jáne/nemese tolyq kólemde tólemegeni úshin ósimaqy boıynsha bereshek somasynyń (óndirip alýshy kýálandyrǵan, bereshek somasynyń esebi bar derbes shottyń kóshirmesi nemese óndirip alýshy kýálandyrǵan derbes shottan úzindi kóshirme) esebi týraly qujat usynylǵanda jasalady. Qujat bereshekti tóleý merzimi týraly, tólem engizý boıynsha mindettiń týyndaǵan kúni týraly málimetti jáne boryshkerge jiberilgen bereshek somasy jáne ony óteý merzimderi týraly jazbasha habarlamany (habarlaýdy) qamtıdy. 6) naqty tutynylǵan kórsetiletin qyzmetter (elektr-, gaz-, jylý-, sýmen jabdyqtaý jáne basqalar) úshin jarııa sharttar, sondaı-aq belgilengen tarıfterge sáıkes tóleý merzimi bastalǵan kórsetiletin qyzmetter úshin ózge sharttar negizinde bereshekti óndirip alý týraly mindetteme boıynsha bereshekti óndirip alýǵa atqarýshylyq jazbany jasaý úshin: óndirip alýshy kýálandyrǵan shart kóshirmesi, kórsetiletin qyzmetterge aqy tóleý boıynsha bereshek somasynyń esebi (óndirip alýshy kýálandyrǵan, bereshek somasynyń esebi bar derbes shottyń kóshirmesi nemese óndirip alýshy kýálandyrǵan, derbes shottan úzindi kóshirme) týraly qujat usynylǵanda jasalady. Qujat bereshekti tóleý merzimi týraly, tólem engizý boıynsha mindettiń týyndaǵan kúni týraly málimetti jáne boryshkerge jiberilgen bereshek somasy jáne ony óteý merzimderi týraly jazbasha habarlamany (habarlaý) qamtıdy. 7) jalǵa berý shartynda belgilengen merzimde tólemderdi tólemeýine oraı jalǵa berý tólemderin óndirip alý týraly mindetteme boıynsha bereshekti óndirip alýǵa atqarýshylyq jazbany jasaý úshin: jalǵa berý sharty, bereshekti óteý týraly narazylyq usynylǵanda jasalady. 224. Boryshkerden aqsha somasyn óndirip alý nemese ózge de jyljymaly múlikti talap etý úshin notarıýs bereshekti belgileıtin tólnusqa qujatta atqarýshylyq jazbany jasaıdy. Eger atqarýshylyq jazba qujatqa syımasa, ol osy Qaǵıdanyń 21-tarmaǵynda belgilengen tártippen qujatqa qosa berilgen paraqta jazylady. Eger bereshekti óndirip alý bólek-bólek júrgizilse, onda boryshkerdiń mindettemesin rastaıtyn qujatta óndirilip alýǵa jatatyn soma, óndirip alý júrgiziletin kezeń, notarıattyq is-áreketterdi tirkeý tiziliminde tirkelgen atqarýshylyq jazbanyń kúni men nómiri kórsetile otyryp, atqarýshylyq jazbanyń jasalǵany týraly belgi qoıylady. Atqarýshylyq jazbanyń jasalǵany týraly belgi notarıýstyń qolymen kýálandyrylady jáne onyń mórimen rastalady. Eger belgi qujatqa syımasa, ol osy Qaǵıdanyń 21-tarmaǵynda belgilengen tártippen qujatqa qosa berilgen paraqta jazylady. 225. Osy boryshtyq mindetteme boıynsha bereshekti óndirip alý bólek-bólek júrgizilgen jaǵdaılardy qospaǵanda, árbir boryshtyq mindetteme boıynsha bir atqarýshylyq jazba jasalady. 226. Atqarýshylyq jazbada: 1) atqarýshylyq jazbany jasaǵan notarıýstyń tegi jáne aty-jóni; 2) óndirip alýshynyń ataýy, onyń týǵan kúni, turǵy­lyqty jeri nemese ornalasqan jeri, jeke sáıkestendirý nómiri, zańdy tulǵanyń derektemeleri, bıznes-sáıkestendirý nómiri; 3) boryshkerdiń ataýy, onyń týǵan kúni, turǵylyqty jeri nemese ornalasqan jeri, jeke sáıkestendirý nómiri (eger ol ótinish berýshige belgili bolsa), zańdy tulǵanyń derektemeleri, bıznes-sáıkestendirý nómiri; 4) óndirip alý júrgizilip otyrǵan merzimniń kórsetilýi; 5) óndirilip alýǵa jatatyn somanyń nemese talap etilýge jatatyn zattardyń, onyń ishinde, eger ósimaqy, paıyzdar tıesili bolsa, olardyń kórsetilýi; 6) óndirip alýshy tólegen memlekettik baj somasynyń nemese jekeshe notarıýstyń notarıattyq is-áreketterine tólengen somanyń kórsetilýi; 7) atqarýshylyq jazba jasalǵan kún (jyl, aı, kún); 8) atqarýshylyq jazbanyń tizilimde tirkelgen nómiri; 9) atqarýshylyq jazbany jasaǵan notarıýstyń qoltańbasy men móriniń bederi qamtylady. 227. Atqarýshylyq jazbany jasaǵannan keıin notarıýs kelesi jumys kúninen keshiktirmeı tabys etý týraly habarlamamen birge boryshkerge onyń kóshirmesin jiberedi. Ilespe hat shyǵys qujattaryn tirkeý jýrnalynda tirkeledi. Jetkizý boıynsha shyǵystardy óndirip alýshy óz betinshe tóleıdi. 228. Boryshkerge hatty tabys etken kúnnen bastap (kún habarlamada kórsetiledi) on jumys kúni ótken soń jáne boryshker tarapynan qoıylǵan talaptarǵa qarsylyq týraly jazbasha ótinish bolmaǵan kezde, notarıýs óndirip alýshyǵa atqarýshylyq jazbany boryshkerdiń turǵylyqty jeri nemese ornalasqan jeri boıynsha sot oryndaýshysyna oryndaýǵa usyný úshin beredi. 229. Eger boryshkerden on jumys kúni ishinde ózine qoıylǵan talapqa jazbasha qarsylyq kelip tússe, notarıýs qarsylyq kelip túsken kúnnen bastap úsh jumys kúninen keshiktirmeı, atqarýshylyq jazbanyń kúshin joıý týraly qaýly shyǵarady. 230. Boryshkerdiń qarsylyǵy notarıýsqa jeke beriledi ne habarlamamen jiberiledi jáne kiris qujattaryn tirkeý jýrnalynda tirkeledi. Jeke tulǵanyń ótinishinde qoıylǵan qoldyń tólnusqalyǵyn notarıat kýálandyrady. Zańdy tulǵa atynan beriletin ótinishke birinshi basshy men bas býhgalter (ol bolǵan kezde) qol qoıady, zańdy tulǵanyń mórimen rastalady. Eger zańdy tulǵa (shaǵyn kásipkerlik sýbektisi) mórsiz jumys istese, ótinish berýshi qoıǵan qoldyń tólnusqalyǵyn notarıat kýálandyrady. 231. Atqarýshylyq jazbanyń kúshin joıý týraly qaýlyda: 1) qaýly shyǵarylǵan kúni men jeri; 2) qaýly shyǵarǵan notarıýs týraly málimetter; 3) ózine qoıylǵan talapqa qarsy qarsylyq bildirgen boryshker ótinish berýshi týraly málimetter; 4) kúshi joıylatyn atqarýshylyq jazba týraly málimetter (kim jáne qashan jasady, boryshker men óndirip alýshy týraly málimetter, óndirilip alýǵa jatatyn soma jáne talaptar negizi); 5) atqarýshylyq jazbanyń kúshin joıý týraly qaýly shyǵarǵan notarıýstyń qoly men mór bederin qamtylady. 232. Atqarýshylyq jazbanyń kúshin joıý týraly qaýlynyń kóshirmeleri ol shyǵarylǵan kúnnen keıin kelesi jumys kúninen keshiktirmeı óndirip alýshyǵa jáne boryshkerge jiberiledi. 233. Atqarýshylyq jazbany jasaǵany úshin aqyny jekeshe notarıýs «Notarıat týraly» Qazaqstan Respýblıkasy Zańynyń 30-baby 2-tarmaǵyna jáne 30-1-baby 22-1) tarmaqshasyna sáıkes alady. Memlekettik bajdy jáne/nemese quqyqtyq jáne tehnıkalyq sıpattaǵy kórsetiletin qyzmetterge aqy tóleýden bosatylǵan óndirip alýshy atqarýshylyq jazbany jasaý úshin júgingen kezde olardy tóleý boıynsha mindet boryshkerge júkteledi. Atqarýshylyq jazbanyń kúshi joıylǵan kezde notarıýsqa ony jasaý úshin tólengen soma qaıtarylýǵa jatpaıdy. 234. Notarıýstyń isterinde bereshekti belgileıtin qujattyń kóshirmesi oǵan jasalǵan atqarýshylyq jazbasymen birge qalady. Eger atqarýshylyq jazbany jasaý úshin bereshekti belgileıtin qujattan basqa, bereshekti óndirip alý daýsyz tártippen júrgiziletin basqa da qujattardy usyný qajet bolsa, onda olar atqarýshylyq jazbaǵa tigilmeıdi, notarıýstyń isterinde qalady.». 2. Qazaqstan Respýblıkasy Ádilet mınıstrliginiń Tirkeý qyzmeti jáne zań qyzmetin uıymdastyrý departamenti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin bes jumys kúni ishinde Qazaqstan Respýblıkasynyń Normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) osy buıryqty Qazaqstan Respýblıkasy Ádilet mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ádilet mınıstriniń jetekshilik etetin orynbasaryna júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ádilet mınıstri  B.IMAShEV Buıryq Qazaqstan Respýblıkasynyń Ádilet mınıstrliginde 2016 jylǵy 31 naýryzda Normatıvtik quqyqtyq kesimderdi memlekettik tirkeýdiń tizilimine №13559 bolyp engizildi.